క్షమించండి
విద్యార్థులారా
నా అస్థిపంజరం
ఒక మంచి దృశ్య బోధనాసాధనం
కానేరదు

ఇంకా బతికుండగానే
నాకు జీవితమూ స్వాతంత్ర్యమూ అంటే ఎంత ఇష్ట మంటే
నా గుండెకి స్వేచ్ఛ నివ్వడం కోసం
రొమ్ము విరగ్గొట్టుకున్నాను
ఒక్కొక్క రొమ్ముఎముక నించి
ఒక్కొక్క స్త్రీని
సృష్టించాలని ప్రయత్నించాను

ఇంకా బతికుండగానే
బుర్ర బద్దలుకొట్టుకున్నాను
జీవితం గురించి ప్రశ్నల మీద

ఇహ ప్రశ్నే లేదు
పుర్రె గురించి