Franz Xaver Kroetz
Kirchberg
Da Dot is a schdada Hund.
As Bebi schreit.
As Bebi schreit, und da Dot
muaß wartn.
Da Dot is a schdada Hund,
der mogs ned laud.
Etzan laßtase in insam
Dorf nimma seng,
seit erm insa Bebi vadreibt.
A da Nachbarin ihra Dochta
kriagt ihra Bebi, a wenn da
Herr Arzt vum Trostberga
Grangahaus zu ihra gsogd hod,
wenns moing ned zim ausgrazn kemma,
nachat laft erna hoit da Baz
iwamoing iwa de Fiaß owe.
Sogor de kloa Katz
bracht a ganze Stund zin Dedn
vun oana schwarzn Feidmaus
drausd auf da Deraßn.
Da Dot is a schdada Hund,
vapfiffa isa worn aus insam Dorf.