Nikola Madzirov (Никола Маџиров)
ДЕНОВИ КОГА ТРЕБА ДА СЕ БИДЕ САМ
语言: 马其顿文
翻译:
德文 (Tage, an denen man allein sein sollte), 克罗地亚文 (Dani kada treba biti sam)
ДЕНОВИ КОГА ТРЕБА ДА СЕ БИДЕ САМ
Вистина е дека градот
изникна како последица на лага
неопходна за луѓето,
саксиите и питомите животни.
(така се снабдувам со
потребните оправдувања)
Вистина е дека сите луѓе
излегуваат од зградите
(чиниш земјотрес)
и со вазна во рацете
одат кон ливадите.
Се враќаат трипати потажни
со прашина во дланките
и неколку шумови
како дупки во сеќавањето.
Потоа
пак заедничка тишина.