Jessie Kleemann
Taava eqqiaassaanga
Illup ilua tamaat
Teqeqqut tamaasa
Ilisiviit tunui tamaasa
Natip naqqa iluatungaa ilanngullugu
Qalianukassaanga
Quimulluunniit
Tassani taavi
Suna tamaat salisavara
Eqqiaassaanga
Uffassaanga
Kigutikka salissavakka
Qulissaanga
Naamik nutsakka nutsussavakka
Kumaajassanga
Uffarfimmi
Anartarfimmi
Quisaqattaassaanga
Anassaanga
Suna tamaat imaarlugu
Taava
Assakka errussavakka
Oqorutit annisissavakka
Naamik
Igisavakka
Qimminut tunniutissavakka
Naasut igissavakka taava anissaanga
Illumit maanngaanniit
Kameqarnanga pisussaanga
Qaqqaliassaanga
Immamukassaanga
Qinussaanga suaartassaanga qiassaanga
Ujarlissaanga
Kiap ikiussavaanga
immaqa igitaassaanga
aallassaanga nikissaanga qimaassaanga
Allanngussaanga
Kinaajunnaassaanga
Taava immaqa Inuusinnaanngussaanga.