Branko Cvetkoski (Бранко Цветкоски)
СТАПАЛКИ. БИБЛИСКИ МОЛК
jezik: makedonščina
Prevodi:
angleščina (STEPS. BIBLICAL STILLNESS)
СТАПАЛКИ. БИБЛИСКИ МОЛК
Кога ќе се смири
Битието женско
Кога ќе се склупчи
Пред погледот кос и остар
Од небото
Излегувам засрамен
Со јанѕа натоварен
Со недорек
за убавина
за свештена сетилност
За топлина
Ги собирам тврдите
Острите
Нажежените глаголи-алати
Ги влечам полните бисаги
Цврсто под стреа ги заврзувам
И молчам
Нејзините огреани стапалки
Сами ја отвораат портата
Со нестварни допири
Во меури од шепот
Нем
Ја пренесувам прелестна
Назад во нејзиното време -
Во градината