Bernez Tangi

ROD AN AVELIOÙ

jezik: bretonščina
Prevodi: nemščina (Windrose), francoščina (LA ROSE DES VENTS), litovščina (VĖJŲ ROŽĖ)

ROD AN AVELIOÙ

Pegeit on chomet
dindan mantell ma siminal
o c’hortoz ar c’hentañ barrad follentez ?

Libistrañ a raen gant eoul frondus
korfoù ar gourenerezed
a-raok ar c’hrogad

Heuliañ a raen gant aon
skrijadenn o c’hroc’hen
dindan chouradenn ma daouarn nerzhus

Pegeit ? Ô pegeit
on chomet skornet
war kler mouk ha bouk ma soñjoù dizehan ?

Moulañ a raen oberennoù hudur
Poanioù ha plijadur
ar c’hig
war baper leuegen
Ha gwerzhañ ’nezho dre guzh
da vevelien ha mitizhien
an noblañsoù

Kegid er gegin
Marsoñjoù er marchosi

Pegeit on chomet
war kein an azen
ma eskern o storlokañ gant hej-dihej
e bavioù war an hent roc’hellek ?

Mignon an hudour
ne greden ket
      implij
    e wialenn

Dilezet ’ m eus ma studioù
evit mont da heul an oriadez
diwisket ganti he hiviz
Aet eo diwar wel
a-dreñv ar bodoù lann

Dalc’h a ran em fronelloù
c’hwezh kreñv he c’hreoñ foutouilhek

a zamguzhe
kalir
ar sap aour
a-us d’he loeroù gloan ruz

Pegeit on chomet
alvaonet dirak lomber al lestr
ma daoulagad ganin o parañ war an egor diziwezh ?


Edo ar c’hontron
em bouzelloù
o fifilañ
e lorgnez ma c’hig

Edo ar viskoulenn
o krignat
deil ma spered
hiviziken

Tostaat a raen
ouzh an EUR GLAS
gant ma c’horf brevet
gant sev disec’het ma lein-kein
ha ma c’hoantoù dislivet
gant kaouadoù diniver ar vuhez

Pegeit ? Ô pegeit
on chomet ’vel un teuz dirak an horolaj
divfeskenn sanket barzh plouz ar gador
o heuliañ ar momeder ?


Edon o valbouzat gerioù didalvez
O c’hlabousat gerioù diniver en aner

e kaoued ma c’hlopenn
harzoù ken strizh dezhañ

Beleg Meur an eneoù daonet
a zibunas pedenn an Anaon

Ha me ken diskredik
prest e oan da vezañ nouennet

Pegeit ? Pegeit ? Pegeit ?
Pegeit on chomet war ribl ar stêr
dispartiet ma divesker gant ar broenn hag ar raoskl ?


Garzhata a raen bronnoù
ar gleskered
dindan bannoù an heol faro

Gortoz a raen ur briñsez wenn
bleunioù
brodet war he brozh

Tamolodet war ma huñvreoù
e sebelien
ar pennduig hag ar c’ho

Pegeit ?
al leue ’ zo aet da darv
ar bugel en e oad-gour

Treiñ a ra an amzer gant ar milinoù-dour
An delienn a heuilh ar froud betek ti ar re varv

Bez’ eus tud c’hoazh o chom e Keraliou
kaset-digaset gant rod an avelioù
Ar blanedenn en-dro d’hec’h ahel
an noz an deiz ’ yelo diwar wel

© Bernez Tangi

Bernez Tangi

* 11.06.1949, Carantec, Francija
živi v: Spézet, Francija
Bernez Tangi ist einer der herausragendsten bretonischen Künstler.

Er verfaßt nicht nur Lyrik sondern ist auch Liedermacher und Maler. Als Dichter hat er bereits zwei Werke veröffentlicht. Seine Gedichte sind sehr einfühlsam geschrieben und stellen eine ernsthafte Weise dar, um einen zeitgemäßen Ausdruck für Gedanken über den Körper, Sex und die Liebe zu finden. Darüber hinaus bedient er sich beim Verfassen der Gedichte und der Liedtexte einer sehr einfachen Ausdrucksweise und versteht sich dabei auf die Musik der Worte. Tangis großes Talent besteht darin, Musik und Lyrik miteinander zu verbinden. Mit seinen Gedichten und seiner Musik erzählt er uns Geschichten auf manchmal einfühlsame, manchmal etwas gewöhnungsbedürftige Art und Weise. Durch seine Gedichte und seine Musik leistet Tangi einen wichtigen Beitrag für die Wiederbelebung der bretonischen Sprache.

Für sein letztes Musikalbum Eured an Diaoul (übersetzt: Hochzeit des Teufels), welches das gesamte Spektrum zeitgenössischer bretonischer Musik präsentiert, hat Tangi mit zahlreichen bretonischen Musikern zusammengearbeitet.

Označi pesem/dodaj na seznam

Število zapomnitev: 1

in folgenden Listen enthalten

Gedicht schon auf Favoritenliste

If you want to remember or list a poem, become a community member.

Jetzt Anmelden

Naključna pesem

PUSH!