Zoran Anchevski (Зоран Анчевски)
МЕЃУ ДВА СВЕТА
jezik: makedonščina
Prevodi:
nemščina (Zwischen zwei Welten)
МЕЃУ ДВА СВЕТА
Скитнати меѓу два света
еден мртов -
другиот сè уште немоќен да се роди
ни чело
ни тил имаме
Толку малку мозок ни остана
per capita
толку малку разум
во предел од сури спили
и сушни години
Без чело
а на чело со евнуси и ситни души
Рече некој: „Ахеронт е пред нас“ -
длабок ко живот
Ноќиме во логор
од некои претходни бедници
полн брбушки и живин отпад
и секој зачмаен во групниот грев
го чекаме Бродарот
без пари на нè пренесе преку
до брегот маглив
до целта надежна
до Спасот
што пропаст е крајна
До Крајот
што светиот Спас ни е
не е
е
?
!
.