Ifor ap Glyn
Hen gapel
jezik: valižanščina
Prevodi:
angleščina (An old chapel), galicijščina (Igrexa antiga), litovščina (Sena koplyčia), poljščina (STARA KAPLICA)
Hen gapel
‘Cysgant mewn Hedd’ meddai cofeb y colledigion,
ond ar y jiwcbocs heno, nid oes emynau,
ddim hyd yn oed Rhys
nac Ebenezer,
wnaeth gathrain y milwyr o’r ffos...
Codaf beint wrth y bar lle ces i medyddio.
Mae’n amser cwrdd;
mae merch yn hel gwydrau cymun y p’nawn;
mae’n rhoi gwên yn adnod i’r barman.
Cyfodaf fy llygaid tua’r oriel chwil
lle bu nhad yn hel casgliad,
lle cyfarfu gyntaf â llygaid fy mam
a hithau’n rhoi einioes gyda’r swllt yn ei blât.
‘O ba le y daw fy nghymorth?’
Plethaf ddwylo am fy nghwrw.
Cau llygaid. Plygu pen.
Cyfri bendithion....
ond methu â mwynhau
fy mheint cableddus.
