Katica Kulavkova (Катица Ќулавкова)
ЦИПА
jezik: makedonščina
Prevodi:
nemščina (Membran)
ЦИПА
за тебе е значаен внатрешниот свет:
зачетокот, отровот, обликот
безлична навидум
се менуваш без престан
ти мазна, ти гипка, ти пожелна
ни бегаш од раце
додека ја толкуваме неизбежноста
и отвораме оган против самите себеси
а ти, и натаму проѕирна по природа,
ни го свртуваш вниманието
и го поставуваш основното прашање
но нас, но нас нè интересираат
деталите
кога те допревме
лиги ни потекоа
да не можеме да скриеме дека сме луѓе
и дека ја сакаме совршеноста
и во тебе, и надвор.