Branko Cvetkoski (Бранко Цветкоски)
ЗЕМЈА. ПРИЧЕСНА. ЗОБ
Язык: македонский
Переводы:
английский (EARTH. COMMUNION. OATS)
ЗЕМЈА. ПРИЧЕСНА. ЗОБ
Се рони небото
Слегува црна ронка
Во нашиот ваган
Ита и сучи по шарите
Откосната змиска грива -
Во света вода мрцнато перче Божјо
Над неа мојот земјен лик
Се издолжува
Се нишка
Со небесната става
Се меша
И молви:
„Стори се крај скутот
На земјописецот
Под неговата златна игла жеден
Зини
Голтни ја причесната!“
И така сторив
И се сронив пред раката пепел-бела
Принесена
И некаде запре нишанот бесен
И одново се состави небото
Во нашиот ваган
Преполн земја
За зобање