Inger-Mari Aikio
vuostegulgii
Язык: саамский (северный)
Переводы:
английский (against the grain), испанский (a contrapelo), финский (vastakarvaan)
vuostegulgii
fišš fasti! guolggat!
bargga jo
ráhkket
vákset
gavvit
navvit!
áinnas gieđavuliid
dieđus julggiidge
ja die dieppe maid
ii oktage hálit guolggaid njálbmái!
nissonolmmoš
galgá leat šallat
linis, livttis
jeagadat gilvvu oarjemáilmmi media
jegolaččat ligget sohkkara
darvehat guolggaid sohkarspábbii
mirkkovuoiddasge buorre
muh buoremus laser
eai šat oppa šattage!
ávdugas eallin go
albmát ráhkistit
iežaset litna, álás
guolggahis eŋgeliiddiset
dušše moai
basuhetne iežame miestagiid
čurvvošeimme jus jolggadivččiime
elloset guolggat!
