Kgafela oa Magogodi
nkomane
nkomane
he ĕ man-e go busa bo-fat-pampoene go bina bo bobejane. go kgora bo satane. bana ba mmu bone ba ngunanguna ba re nkampane gwa jewa nkomane.
thibos ga a na plaane. dipane ga di kopane. go gogogwa ka dikeetane. go maswe go digogwane. makgasa a dilaakane. ga a re lekane. o thibile mouane. mathlo a pelekane. dithlaka ga dithlakane. go bereka setshoswane. le letonkomane o sa le bone. ba omosa tsa maabane. thlakwana tsa brahman-e. ka pitsa tsa mabutshwane. bo piet-e le bo jan-e. dimpa tsa sepumpane. di panwa ka di-kroespane.
he ĕ man-e go busa bo-fat-pampoene go bina bo bobejane. go kgora bo satane. bana ba mmu bone ba ngunanguna ba re nkampane gwa jewa nkomane.
fanon o ba bone. ba bina ka mponwane. dikrone tsa se kolone. ba hupile teemane ba mo ja se popomane. teemane ba mo jela ko engelane. ba mo ja le ma-esemane. ba mo nathelane le majeremane. marapo a teemane a fiwa ntja tsa bone gore di kokone ba timane ka yone le e botse le yengeni o tsene chankane a nkga fura la yone teemane
he ĕ man-e go busa bo-fat-pampoene go bina bo bobejane. go kgora bo satane. bana ba mmu bone ba ngunanguna ba re nkampane gwa jewa nkomane.