Ruth Lillegraven
konglene opnar seg
konglene opnar seg
eg er eit blad
eit lite blad som
held oppe treet
slik treet held
oppe himmelen
slik treet først held
og sidan slepper
konglene
slik konglene først
er lukka om seg sjølve
men så opnar seg
brettar ut sine skjel
slepper sine frø
og slik konglene
opnar handflatene
mot himmelen og
seier: berre kom
berre kom
alt som vil kome
kom, alt som
lyt kome
kom, himmel
kom som vatn
kom som snø
kom som vind
mellom fingrane
mine
slik seier eg
kom hit, himmel
lat konglene opne seg
og kome til meg
lat bøkene opne seg
opne sine sider og
kome til meg
lat alt berre kome
lat alt berre skje