Paal-Helge Haugen
Meditasjon XXXI
língua: norueguês
Traduções :
alemão (Meditationen XXXI), turco (Meditasyon XXXI)
Meditasjon XXXI
Attgrodde haustdagar.
Den okergule stilla
i uslått grås, i armar.
Ein talisman av fråver.
Landskapet breier seg ut
framfor føtene, stumt, inkje-anande
bortanfor vårt.
Vindfall, rotfelte skuggar.
Små varsel. Teikn, som sol-
formørkinga får fuglesongen
til å tagne, rørd av ein pust
med rima kantar.
Det er på veg.
Eit regiment av drøymarar.
Ein uendeleg karavane av netter.
Eit brev, utan avsendar
utan mottakar. Bli
hos meg.