Bernez Tangi
DIWALL ! OSPITAL !
DIWALL ! OSPITAL !
Prenestroù an ospital
da skeiñ, da skeiñ da benn dall
Me ’m eus ur c’hoar en oabl
dimezet eo ga’n nabab
Klask a rez ster ar gerioù
ba’ geriadur an nozioù
pa vin kozh
diouzh an noz
me a c’hoario
Erru eo poent al louzeier
uhel an heol er parkeier
Un dra bennak a zo fall
ba’ kevredigezh ar c’hig-sall
Ur rozenn war ur bern teil
troit, troit ma meilh
pa vin kozh
diouzh an noz
me a c’hoario
Marmouzed gwisket e gwenn
gant tog an urzh war o fenn
Ba’ palez ar prokulor
eo bet ganet va fulor
Bet on bet war korf ma roched
ba’ rouantelezh an Abred
pa vin kozh
diouzh an noz
me a c’hoario
Kapoioù kaouedoù houarn
strinkelloù en o daouarn
Va mestrez n’eo ket medisin
’n he heñchoù hi he deus bezhin
Treset eo itron ar melchon
war daoulagad ar merion
pa vin kozh
diouzh an noz
me a c’hoario