Leo Tuor
Ad Onna Roda
È ti, carretta cun tias 27 rodas, jeu carrettel ti!
Ti tgulas, jeu tgulel, el tgula, nus schulein - lein?
Quei auda buca cheu aschi lala!
Ti seis ti, dunna dil talianer, ti seis, seis ti.
I dian, ti seigies talianra.
Lai far, els capeschan nuot da campanils.
Ti has la carretta suttapeis e caminas sils urteis,
Capuns cuschinas ti.
Uscha, ti verda luscharda fulada en seida fularda,
Verd vuardel jeu Onna Roda, verd uardel jeu ti.
Ti tgulas, jeu tgulel, el tgula, nus schulein - lein?
Quei lauda la-lala il tschiel schi blau!
Onna Roda, verda Onna Stoda, co dian i?
Do re mi di:
1.) Onna Roda ha rodas
2.) Onna Roda ei verda.
3.) Tgei colur han las rodas.
Ivur ei la colur da tes dents alvins,
Verd ei la colur da tias rodas rosas,
Ti matta carina ella carretta da mintgadi,
Ti stagna animala verda, jeu carezel ti!
Ti tgulas, jeu tgulel, el tgula, nus schulein - lein?
Quei ha da gingiarlar el --- sadlut da latgira.
Anna Roda, Anna, O ---- N ----A!
Jeu mustigel tiu num.
Tiu mun delira sco neiv alv da cocs.
Fas ti ei Nanna, fas ti ei.
Ins sa è leger tei anò.
E ti, ti pli pacifica da tuttas,
Ti eis davondavos anen anò:
O ---- N ----A, A ---- N ----O.
Seiv cun pal laguotta LALÀ sur miu dos.
Onna Roda,
Larifaria creta
Jeu ------- carrettel ------- ti!