Chirikuré Chirikuré
Nzvimbo dzemumabhuku
langue: shona
traductions:
anglais (Places found in fiction), allemand (Orte der Fiktion)
Nzvimbo dzemumabhuku
wese andaita mahwekwe naye
mubvunzo ndiwo mumwe chete:
kwakadini kwamanga mapota?
mhinduro ndinopa yepasi pemoyo:
kutaura zvese handingakwanisi
zvakapinda mumusoro zvinozadza dura
vose vanozoita kunge vapatika kuhope
vobvunza zvakare, uso vasunga:
gara zviya ndepiko kwawaiva?
handinonoki kudzora mhinduro:
ndaiveko kunyika yemutsindo
kumatunhu emuzinda weTimbouctou
vose vanokapaza misoro semabhuru
vopfipfidza vachinwa rukweza rwavo:
nzvimbo dzakadaro ndedzemumabhuku chete
ndinotsikitsira wangu musoro pasi
ndozvipodza hana nemashoko mumoyo: