Joséphine Bacon
[Mushuau-assi]
Mushuau-assi
Tshin ka uapamatau nikanishat ka inniuht
Ninatuten tshitei
Teueikan nikamututamᵘ nitinniunu
Anutshish nuapatamuan tshiashinnuat
Utinniunuau
Nimatenimauat utshimau-aueshishat
Ka aiamituatau
Nipetamuan umemekataushunauaua nukumat
Nipimipan
Nishkata nipeshukun nuash
Uapitsheushkamikut ka ashamat Papakassikᵘ
Tipishkau niminikᵘ nikan-tshissenitamunnu
Nitinnu-aimun nuitshikun shietshishiani
Tshetshi uni-tshissian
Piatshishimuti nitakushin anite
Ka ui pashikutishinaman nitinniun
Kashikat apu natamikᵘ papamuteian utenat
Nin au ka matshit Mushuat