e prekim me buzë gryken
duke dashur t'i pimë shënimet
nga shishja e hedhur në det
duke belbëzuar ca shkarravina injorante
flluska të ngjirrura e pompoza

duke i artikuluar me kujdes fillimet
e ngjeshura në forma të duhura

duke u përqafar në qëshje të çmendur
depërtojmë në detajet e katastrofës

anija u fundos
dhe dielli buzëqeshi
deti u derdh duke u rrotulluar
kurse ne jemi këtu
këtu jemi
këtu

ne, vëllezërit dhe motrat tuaja surrogate
edhe atë sipas mendjes dhe me asgjë tjetër
qoftë i huaj ose jashtëtokësor
a luan kjo ndonjë rol në amnezinë e shtyrë
për ata që i kanë shijuar kënaqësitë mbitokësore

në, këto krijesa qiellore prej xhelatine
të humbura nëpër xhunglat e pabanuara prej hekuri e betoni
qëndrojmë para shkatërrimit sikurse pseudo-orangutangët
në bregun e papunuar të detit përplot me shkumë shampanja
në pritje të sinjalit e duke vdekur nga etja

këtu boja humbet
kurse nëpër thjerrëzat ngjyrë vjollce e blu të meduzave
fluturuan mbetjet e fytyrave të harxhuara e pa ndjenja