во осумдесет и седма година
еден учен
возеше црвен автомобил
по приградската улица

во деведесет и четврта
шест полицајци
(две патроли од по тројца луѓе)
се сретнаа на аголот

во деведесет и седма
фотограф пристигнал на снимање
но заборавил да понесе филм
и му се јавил на асистентот

во деведесет и деветтата
седеа во отворено кафуле
размислувајќи за белината на чаршафот
без некоја определена цел

во две илјади и првата
еден старец се сончаше
на брегот на малото
езерце во станбената област

во две илјади и третата
се затвори секнд-хенд продавница
каде што имаше маички од тој
бренд, исто како нови

во две илјади и петтата
едно момче
ја сонуваше Америка и
саноќ се смешкаше

во две илјади и шестата
цел ден беше
дваесет и шести
август