„ფილმი არის ოცდაოთხჯერ
                                                     ნათქვამი სიმართლე წამში“  
                           ჯან-ლუკ  გოდარი      

წამში ოცდაოთხჯერ
ვუსხლტები რაღაცას.
ის ჩემსკენ მოდის
და წარმოთქვამს:

მე გავრბივარ
და მაგრად ვარ დაჭერილი
გაქცეულ სურათებში.
ყოველი მოძრაობა:
ჟლეტა, მეტამორფოზა
ძილში, ოცდაოთხი
სახეცვლილება წამის მანძილზე.
საათები დღეს ანაწევრებს.
მოგუდული ხმა წარმოთქვამს:

თავგზა ამებნა. ნუ იხილავ
მრავალ სურათს და ფილმს.
სიმშვიდეა. ვხედავ ჩემს თავს.
ვიდრე ოცდაოთხჯერ დაასკვნით
რაიმეს წამში –
პირზე აფარებული
ხელი გაანძრიეთ.
ცხოვრება მტკივნეულია,
ქალბატონო!
იკბინეთ თითზე!