Јас сум Бескрајно Исплашената

Кој ќе ми купи сигурност?

Каде да ја најдам смиреноста на тишината?

Кој ќе ми изгради кралства од спокој?

Како да го победам лавиринтот?

Јас сум Бескрајно Исплашената

секое утро се будам самата

од дремката на континентите

од крајните брегови

на пулсот на океанот.

Мојот пулс е пулс на стравот

Како да си го накалапам незвукот

на сонот на капаците?

Во мене е стравот од вечноста

Како да се пренесам себеси

до полињата со јасмин и лалиња?

Јас сум бескрајно исплашената

Кој ќе ми позајми еликсир на стрпливост?

Како да стигнам до главното пристаниште?

Ќе успеам ли да се искачам

Во длабочините на насмеаната милост?

Јас сум Вечно Исплашената

Кога ќе ја изгонам

темнината на битието?

Кога ќе си ја однесам душата

во рајот на душата?

Кога вечноста ќе ми ја засвири

најубавата мелодија

до вечноста на сите вечности.