Jessie Kleemann
Uummatiga qaarpoq
Ujarak qaarpoq
Ummatiga qaarpoq
Silarsuq taanna meeraaffik
Peeruppoq
Inngili qernertoq ilagaat
Atuarfimmi
Pinnguartarfimmi
Unnuakkut
Sinittarfinni siniffinni
Anaanama qulaani ipputit
Atatama eqqaaniipputit
Nerisassarsiortuarlutit anersaat perlerfiiniit
Pisassatit toqqareerlugit
Qanoq issagaluarpunga taava
Nuissat qaavanni tamaasa qulangerlugit
Inississinnaasuugaluaruma?
Qanoq issagaluarpunga taava
Nunap ataani ujaqqat iluanni
ummatiga
Uumarsarqenaluni
Isikka aammik kuuttut
Uffarfiup kuuffianut kuutsinneqartuugunik?
Uummat qaarluni pilluartoq
Qanoq qaarpaluttumik
Nipeqaasava
Qianerunngitsumik?