Joséphine Bacon
[Uenapissish tshuapamitunan]
Uenapissish tshuapamitunan
Apu tshut tshissenitaman
Tshin an eshapan ka ui uapamak
Tshititan ute, tshipeikussin
Apu tshut tshi mitshiminitan
Mukᵘ uenapissish
Utshekatakuat ninishtuapamikuat
Apu unishinian e shakassineti tipishkau-pishimᵘ
Nututamain nititshia
Takushinu uashtuashkuan
Apitshimineu, shipekun nuashtenamakᵘ
Mamu niniminan
Nimanen nimishtikushiussina
Nishashashtin
Nitshinat nitakushin