Бола чизолмайди денгиз суратин,
Ерни ҳам чизолмай қизишиб кетар.
Унда меридианлар жойлашмас текис,
Унда парралеллар кесишиб кетар.
Координата тўри гўё қафас, у –
Ерни озод этар очиқ осмонга.
Масофа чўзилар унда бетартиб,
Чегара йўналар тўртта томонга.
Бола чизаверар – бари ноаниқ,
Қалбга чизгимикан сурат аслида?!
Билгани дунёда тоғлардан баланд,
Бўлмоғи шарт умид бола наздида.
Ва ўйлар денгизнинг тубидан чуқур
Бўлмаслиги лозим инсон дардлари.
Бахт – ердан юксагу,
бола қалбидан –
Катта бўлмаслиги керак ер шари...