Mêrat

Ez û te mêratê warek
Ji dêbûne li buharek
Pişta min û te zinarek

Mêrat

Tu bilbila li vî baxa
Holma germe vî ocaxa
Te mêrat bir ji vî daxa

Welat

Ey xwîn û xwena min welat
Hewsa min a ro lê hilat
Bejna xwe min kiriye xelat
Hews: zîndan
Ro: roj

Rûvî

Rûvî rûniştin li ser tac û text
Ji mêran dizîn nan û av û bext
Li wan girêdan jiyana mişext

Aşiq

Li ser riya man û neman
Aşiq bûye nayîne ziman
Dihejmêre sal û deman

Mizgîn

Me dil spartiye waran
Ne bayek hat ne jî baran
Ne mizgîniyek ji serdaran
Serdar: mezinên ku cane xwe gorî dikin

Derman

Min dil daye vê şevînê
Doktor hatiye ser birînê
Dibê derman nayê dînê
Dîn: dîtin

Hakim

Bi xwe qazî û sultan e
Hem zîndan û hem derman e
Çi dikşînim; xwedê zane

Bende

Ez delav û tu jî kanî
Ez bende me tu soltanî
Bi mizgîn kem kîjan canî?

Karwan

Karwan çû tu hîn mayî
Cîhan raza, tu hîn payî
Tu corika bê kutahî