Heft zarok

Tav diqijilîn e
Havîn e,
Li serê çiyayê bê av,
Gewr
Qeretûyê mirinê
Jiyanê dișewitîne…

Heft zarokê por zêrîn
Ber  tavê zarînin,
Tîne,
Zaha dibin,
Avê dixwezin:
-Dayê av
-Tîme av…

Germ e, av nîne
Kanî çikiyan e,
Berê cewa birîn e
Zarok tîne
Av nîne
Sî  nîne
Gul û gîha tev hishk bûne
Șewitîne,
Erd disincirî ne,
Kevir ji zihabûnê
Diqelișin
Rê birîn e.

Li serê çiyayê bê av
Zarok ji tîbûnê
Ziha dibin
Dimirin,
Dipișirin,
Diweșin -
Dibin xwelî, ax
Hey wex…

Biharê bê,
Kes nikare rêya biharê bibire,
Heft kulîlkê spî,
Li ser sîngê çiyê 
Wê çavê xwe vekin, 
Û derheqa vê zulmê da
Kulîlka ra gilîkin…

10.09.2014

© Eskerê Boyîk
Audio production: Haus für Poesie, 2017