Leta Semadeni
Poesia da chadafö
Language: rhaeto-romance
Translations:
german (Küchengedicht), lithuanian (Židinio eilėraštis), czech (Báseň z kuchyně )
Poesia da chadafö
Be la pitschn’odur
d’üna taja cotschna
E tü est qua
Culla culur da chanella
aint ils chavels la natta
sül misun e’l pesch
aint in man
La chadafö schloppa da la vapur
Sur l’ur da la padella oura
noudan
il pesch e la taja
davent
Il prüm plat dvainta üna poesia:
Dal cumün
tanter vulcans cuverts da naiv
e gods sulvadis
ingio cha’ls tucans
struschan lur picals greivs
ün cunter l’oter