Vera Čejkovska (Вера Чејковска)
КРИСТАЛНИ СНИШТА
Language: macedonian
Translations:
german (Kristallene Träume)
КРИСТАЛНИ СНИШТА
расте дрвото
на кристалот. зинува големото
прелестно ѕвоно
да си го покаже јазикот
своето рубин-јаболко.
рујни усни врз еден бистар кристален образ
а одраз е:
четири очи се пијат и четири раце принесуваат
јаболко кон пргавиот јазик-јазик.
жолчни јазици се заледуваат до камчиња
светлост
во подножјето на јасните предели.
или: насладата, овошна гранка на еволуцијата,
се враќа во групи горски кристали.
така умноста зачнува:
љубов за геолошките епохи
и низа симетрични слова