Inger-Mari Aikio

nord-samisch

 

oskkáldas

čevllohalan
bassi riekkis
šealgá oaivvi alde
buorre eamit
gutnálaš nisu

leamašan oskkáldas
oppa dan áiggi
go leamašan duinna
in oppa cummistange
nuppi albmá

ná láhtte albma olmmoš
luohtehahtti ja soabalaš
ii miige bieggaoivviid
dieđán mii lea ovddasvástádus
lean buohkaide ovdamearkan

earát furrošit
rasildit suoli
čáhppes giellásat
bihkkadit njeacci
báidnet njuokčama

mu oamedovdu gal čeaská
dan goardagis liggedalan
muhtimin
menddo báhkka
njunni buollá

© Inger-Mari Aikio
Aus: 69 čuoldda – 69 pylvästä
Guovdageaidnu, Norway: DAT, 2018
Audioproduktion: Haus für Poesie, 2019