Ruth Lillegraven
her skal eg vere
Sprache: norwegisch
Übersetzungen:
deutsch (hier werde ich sein), niederländisch (HIER ZAL IK ZIJN)
her skal eg vere
eg var den første
eg skal bli den siste
eg skal vere
det som brenn
og det som renn
det som lettar og
det som landar
eg skal rydde
og byggje
hauste og så
svinge sigd
og hesje høy
slipe ljå og
vende jord
ja, her skal eg
vere og gjere
og bere
bere stein og
staur og slakt
bror og mor
og far
aldri som besten
nei, aldri som han
men alltid som far
eg ser det no, som
var det eit guds lys
at sigden og ljåen
molda og vatnet
himmelen og elden
alt dette skal
vere mitt
alt dette skal
vere eg