ara ma taħsibx li bla saqaf

tilef iċ-ċwievet, dak kollox

ilu fuq tliet xhur jorqod

quddiem ħanut tal-għamara

abbli taħseb li qiegħed skomdu

milwi hekk — kun af pero

li hu akrobata, u dil-pożizzjoni

sabha tajba biex għajnu tmur bih

xi ġġiegħlek taħseb li mejjet

u issa mbilli mhux qed jieħu nifs

x’tistenna minn maestru tal-yoga

li kapaċi jżomm in-nifs għal snin twal,

jew biex inkunu preċiżi, kważi għal dejjem