Valzhyna Mort (Вальжына Морт)
* * * [Каб увайсьці ў гэтую кватэру]
اللغة: البيلوروسية
الترجمات:
الألمانية (* * * [Um diese Wohnung betreten zu können]), اللتوانية (* * * [Kad į tą kambarį galėtumei patekti]), السويدية (Lösenord) * * * [Каб увайсьці ў гэтую кватэру]
Каб увайсьці ў гэтую кватэру
Трэба ведаць пароль
Але ты едзеш
Але ў яе так проста не ўвайсьці
Тут яблыкі пятрушка і мае
Разяўленыя круглыя саскі
Нібы два калевы чырвонае ікры
Вось будзе ежа
Але ты едзеш
Рукой
Яе пясочным колерам
Трымаешся парэнчы
Шмат парэнчаў
І шмат твайго пяску на іх
І выйсьця
Ня маю з той пустыні
Мы здымем памяць быццам прастытутку
На гэты вечар
Пакатаем яе на коніку драўляным па кватэры
Але ў яе так проста не ўвайсьці
Ты бачыш як па дыску цыферблятным
Дзьве стрэлкі прагна носяцца па крузе
Адна другой наскоквае на плечы
Наскоквае на плечы і гвалтуе
І мы – іх ненароджаныя дзеці
Так дзе ты кажаш быў калі цябе
На плошчы ўначы я забівала
