Branko Cvetkoski (Бранко Цветкоски)
ГЛАСНИК
اللغة: المقدونية
الترجمات:
الانجليزية (HERALD), الألمانية (BOTE)
ГЛАСНИК
Сè уште не пристига ликот
Немилосрдниот запис
Кус
Само гласот прекутрупа
Низ времето
Гази
Како по ноти прескокнува
На тешкиот тон
Му бега
На зборот - јасник
Сè уште не пристига
Окото
Образот
Копитото
И оној стивнат ôд
Зад гривата што чека
Вкопан
Недоспан тогаш ќе тргнам
Од името
Ќе излезам
Ќе заклучам
И ќе знам од кого си испратен
Незапишан стиху мој