Rajko Đurić (Рајко Ђурић)
BI KHERESKO, BI LIMORESKO
langue: tzigane
traductions:
serbe (BEZ DOMA, BEZ GROBA)
BI KHERESKO, BI LIMORESKO
Ooo, lele mange sajek!
O - joj, dade morejana!
Tu bi limoresko,
Amen bi kheresko.
Te avas e balvalake po phurdipe.
E themeske po khandipe.
Kaj maj?
Džikaj maj?
O - joj, daje gudlijena!
Pe savo barh te ačhav?
Kotar tut te akharav?
Phandlo si amenge o del,
I phuv bi khanikasko,
(Kerdol pe 'menge)
Kaj maj?
Džikaj maj?
Kon duravol
Kon pašavol,
Maškar e xasarde droma dživdimaske?!