Mihail Rendžov (Михаил Ренџов)
ВРЕМЕ
Language: macedonian
Translations:
german (Zeit)
ВРЕМЕ
Го викаш вождот.
Вождот без глава
Тегле кола без тркала.
Ги викаш минувачите.
Минувачите без очи
Слепо те поздравуваат.
Го викаш песот.
Песот оштрбавен
Лока од својот виеж.
Ги викаш поетите.
Поетите престрашени
Се кријат во својот страв.
„Какво време“, си велиш.
И радостен го чекаш
Часот на потопот.